خلطة روعة للجسم وعن تجربة دخلو بسرعة
السلام عليكم يا انيقات كيفكم عسام بخير ان شاء الله هادي واحد الخلطة دائما كنعملها ملي كنمشي للحمام خصائص الوصفة تزيل الجلد االميت تصفي الجسم, تنعم الجسم, تعطي بياض فائق, تعطي نعومة زي الاطفال, والنتيجة جسم خالي من الشوائب وناعم كالحرير.
الوصفة:
عصير2حمضات كبار
1درهم حنة ورق
1درهم اكليل الجبل
1درهم سكر كلاصي
1درهم حب الرشاد
الطريقة:
ناخدو الحنة نطحنوها بيدينا انا كنخدها ورق وكنطحنها كنخاف نشريها ممطحونة وتكون مخلطة تم نعصرو الحامض نطحنو حب الرشاد تم نعملو اكليل الجبل في اناء ونصب عليه الماء المغلي تم نغلق عليه في الحين فكما لا يخفى عليكم اننيقاتي انو الاعشاب لازم نغطيوها باش متطيرش الزيوت والمواد الي فيها.
تم ندوز العناصر الي يابسة عندنا من بعدما طحنا الحنة وحب الرشاء جيدا نخلط الحنة حب الرشاد سكر كلاصي جيدا تم نضيف عليهم عصير الحامض نحرك جيدا حتى ينسجم تم نضيف ماء اكليل الجبل مصفى على حسب تقل الخليط يعني كيفما بغينها تقيلة ولا خفيفة ونتركها تخمر بينما سالين شغالنا وجمعنا حويجتنا وونديوها معانا فشي طويسة او سوبيرة ونمشيو الحمام نعملوها على الجسم ديالنا ونخليوها تطلق مزيان علاين ما نعمرو قبيبتنا ونجدو مسائلنا تم نشللو واراكم الحكان وردو عليا الخبار يا انيقات والعناصر كلهم مزيانين للجسمم الحنة زويننة وحب الرشاد وسكر كلاصي راه كوماج رائع للجسم ايوا الغزالات يا الانييقات.
هدي هيا طريقتي وحبيت نشاركها معاكم ايوا بصحة والراحة يا حباباتي التحمحيمة المراكشية .
0 تعليقات