بيتزا محشية الجوانب بالخطوات المصورة

موقع بسمة من مطبخ دليلة يقدم : بيتزا محشية الجوانب

تجدون في الموضوع :

1. مقادير عجين بيتزا
2. طريقة حشو جوانب البيتزا
3. حشوة بيتزا 

مقادير عجين بيتزا

500غ دقيق 

1م/ك خميرة فورية

1م/ك سكر

1 م/ص ملح

3 م/ ك زيت زيتون

ماء دافي

طريقة تحضير بيتزا

نخلط كل المقاديرعجين البيتزا مع بعض و نجمع بماء دافي نعجنها حتى نتحصل على عجينة طرية نغطيها و نخليها تتخمر ثم نكسرلها تخمار ونقسمها نشكل 3 كريات

صلصة بيتزا :

1 حبة بصل

2 حبات طماطم

4 فصوص ثوم

زعيترة - رند - حبق

ملح - زيت - بابريكا - فلفل اسود

1 / ك طماطم مركزة

في كسرونة نقطع البصل و الطماطم و الثوم نضيف الزيت و ملح و الرند و الزعيترة نخليهم يطيب مليح حتى يشرب الماء لي فيهم ثم نرحيهم بالمكسور و نعاود نرجعهم للكسرونة و نضيف الطماطم و التوابل و الحبق نخلوهم يغلو غليتين و نطفي عليهم

حشوة بيتزا :

كمية من الدجاج طايب ومفتت

زيتون اخضر مقطع

فلفل حلو مقطع شرائح

جبن مبشور

ننبسط عجين البيتزا و نضعها فوق صينية و نحشي الاطراف 

نغلط اطراف البيتزا كما توظح الصورة

 و نعمر الوسط بصلصة البيتزا و الدجاج و الزيتون و الجبن نتركها 10 دقائق ثم ندهن الجوانب ببيضة مع القليل من القهوة سريعة الذوبان
و ندخل البيتزا للفرن على اقصى درجة طيب و تتحمر

لدهن جوانب البيتزا

بيضة + القليل من القهوة

و هذا شكل البيتزا بعد اخراجها من الفرن
بالصحة و الراحة