شعر رطب بدون سشوار
شعر رطب بدون سشوار
السلام عليكم نتمنى تكونو بيخير بغات شعرها يرطاب سشوار تدخل
ليوم عندي ليكم وصفة لتنعيم الشعر و راني مجرباها أنا شخصيا و النتيجة مضمونة
كتاخدي شي 3 دراهم زريعة الكتان + 3 دراهم جنجلان و ايلا كان عندك البنان خودي القشور دياولو و ديريهم ف الشمس حتى يقساحو من بعد طحني زريعة الكتان و الجنجلان و قشور البنان ف المولينيكس و ديريهم ف شي كاصرونة و زيدي عليهم كاس ديال زيت العود و كاس ديال الماء و غليهم شوية من بعد خللي الخليط يبرد و ديريه لشعرك مثلا ديريها ف الليل و الصباح سيري للحمام المهم الوقت اللي بغيتي من الأحسن تنعسي بيها ديري على شعرك شي بونية و ملي تغسليه ملي تجي من آلحمام نشفيه بالفوطة و دوريه ديري ليه الباتشا لپاتچها المهم دوريه مزيآآآان حتي ملي تبغي تنعسي عاودي دوريه ايوا ملي أتسالي تعرفي بلي دورتيه مزيان شوفي النتيجة حاولي تديري هاد الوصفة كل مرة ملي تبغي تمشي للحمام النتيجة غزآآآآآآالة
و نتمنى لكم التوفيق .
التدوينة شعر رطب بدون سشوار جربو هذه الطريقة ظهرت أولاً على موقع لالة سناء.
0 تعليقات