ماسك ساهل كيغدي البشرة و يفتحها ويلا داومتي عليه غادي تدعي معايا عن تجربة شخصية
ماسك ساهل كيغدي البشرة و يفتحها ويلا داومتي عليه غادي تدعي معايا عن تجربة شخصية
بسم الله الرحمان الرحيم
السلام عليكم و رحمة الله تعالى و بركاته
عندي ليكم وصفة ساهلة و نتائجها كتفرح و عن تجربتي الشخصية
تاخدي 2 معالق من النخالة الرقيقة (ديك الخشينة راه متصدقليش بيها ) و تكبي عليها القليل من الماء الغليان، الكمية للي تشوفيها مناسبة و جمعاتلك النخالة و متكونش سايحا بزاف. المهم الماء قليل غي باش تجمعيها ماشي يغلب عليها.
حركيها مزيان حتى تجمع وتلقايها رطبة و مفزكة . حطي الماسك على وجهك غير بشوية و خاصو الصبر باش تبتيه راه ميتدهنش. بقاي تهزي شوية وتحطيه على وجهك حتى تغطيه كامل (داكشي علاش قلت الماء قليل باش متسيلش)
خليه على وجهك لمدة 20 دقيقة أو أكتر ، انت وخاطرك راه مكيضرش
من بعد غسلي وجهك بالماء الدافئ ويلا بغيتي فوتي على وجهك بقطنة مفزكة بماء ورد أنت وخاطرك أنا مرة مرة للي نديرها ومانلاحظ حتى فرق
من الاستعمال الأول غادي تلاحظي هاد الماسك غدالك الوجه و بدات البشرة تتفتح قليلا و مع المداومة بادن الله غادي تشوفي نتيجة تفرحك و هادي عن تجربة شخصية
أنا كنت مداومة عليها و النتيجة روووووووووووووعة و الله على ما أقول شهيد. و مع العكز وليت مرة مرة نديرها
ايوا متنساونيش من فضل دعائكن بظهر الغيب .
التدوينة ماسك ساهل كيغدي البشرة و يفتحها ويلا داومتي عليه غادي تدعي معايا عن تجربة شخصية ظهرت أولاً على موقع لالة سناء.
0 تعليقات