طريقة تحضير السفة المدفونة بطريقتي

مكونات و طريقة تحضير السفة المدفونة

المقادير:

كيلو من الشعرية الخاصة بالسفة

زيت وملح

لنصيب الدجاج

دجاجة من وزن 2 كيلو

بصلة كبيرة مشلظة

2 ضروس من الثوم مهروسين

شوية من السمن

شوية من الزعفران شعرة

ملح

ابزار

خرقوم

سكين جبير

زيت الزيتون

زيت المائدة

قزبور ومعدنوس مفرومين

الدغميرة:

3 بصلات مشنفين

شوية القرفة

شوية السكر

للتزيين:

اللوز مسلوق ومقلي ومهرمش

القرفة مطحونة

شوية السكر كلاصي

الطريقة:

نبخر السفة حتى تطيب

انا كنبخرها 4 مرات في المرة الرابعة نحلوالسفة بالزبدة

بعدما يطيب الدجاج نفتته ونحتفظ بالمرق نضيف اليه البصلة المشنفة والقرفة ونضيف شوية الماء باش تطيب البصلة ونسد عليهم في الكوكوط 10 دقائق بعدما نحلو الكوكوط نحرك الخليط واذا لقينا البصلة دبالت نضيف شوية السكر ونخليه يتقلى حتى يتحمر الخليط نضيف اليه الدجاج المفتت ونحرك

ناخذ صحن ونضع فيع مول بدون قاع ونضع طبقة من السفة ونبسطها جيدا ثم نضيف الدجاج وطبقة من اللوز ونضيف طبقة اخرى من السفة ونزين الوجه بالقرفة واللوز والسكر .