وصفة ضد تساقط الشعر تستحق التجربة
تجربتي لوصفة خاصة بغزلان مكوار لصباحيات الدوزيم ضد تساقط الشعر تستحق تجربة
ثومة ـ بصلة حمرا ـ ملعقة كبيرة زعتر ـ ملعقة كبيرة سانوج ـ ملعقة كبيرة أزير ـ ملعقة خزامة ـ سكينجبير طري عوضتو ببودرة
ـ زيت الزيتون إكسترافييغج (انا درت غير عادي ) ـ قرعة صغيرة زيت خروع ـ (إضافة لدرت زنجلان صحيح راه كولشي تيعرف اهمية زنجلان لشعر ) واضافة خرى قرعة صغيرة زيت حلبة
مولات لوصفة قالت نديرو حفنة حفنة من لحاجة انا بغيت نجرب درت ملعقة كبيرة من حاجة ساعة ندمت كنا كثرت الكمية لانها غزالة وريحتها فنيونة
تتغلبها عليها نكهة خزامة يا سلام
درت كولشي يطيب على حمام مريم ملي تغلى وتعاود طفيت عليها وخليتها تتبرد وصبيتها في قرعة وخليتهم يخمرو في بلاكار
حتى نهار الاحد وصفيت لقياس زيت لغيقدني لشعر وشققت به شعري جيدا وخليتو في شعري من 2 حتى 5 لعشية عاد غسلت شعري
تتخلي شعر رطب وغزال تتوقف الزغبة غادة نعاودها باذن الله كل احد مع وصفة غزلان مكوار
غادة نبقى معكم كل أحد أو إثنين نقل ليكم تجربتي كيفاش شعري ولا من بعد وصفة
دبا نخليكم مع الصور
0 تعليقات