طريقة ترقيد الزيتون مع طريقة تحضير الزيتون مشرمل

موقع بسمة يقدم : طريقة ترقيد الزيتون مع طريقة تحضير الزيتون مشرمل

تجدون في الموضوع :

طريقة ترقيد الزيتون بالاضافة الى طريقة تحضير شرمولة الزيتون

من ام لقمان و جنان 

اولا ترقيد الزيتون :

كيف تتعرفو موسم الزيتون ومعظم الناس متيدوز عليهم حتى يرقدو زويتينات يضربوهم مع خبز سخون وزيت الزيتون😅😅فحالي انا😂😂.

 المهم غنحطلكم طريقتي هادي بالنسبة لمرحلة الاولى فترقيد الزيتون

تناخدو الزيتون نقيوه نحيدو منو الزيتون الي فيه تقب او فاسد 

الى كنتو غتخبيوه على حساب كثر من شهر متفلحوهش ديروه فالما وخليوه مسدوود عليه 

بالنسبة الي باغين ستهلكوه كناخدو كل حبة نشرطوها على 3 و نديروه فبيدو يكون كبير مهم كيبقى حسب الكمية ونغطيوه بالما ونبقاي يوميا نغيرولو داك الماء لمدة اسبوعين يقدر يوجد فمدة اقل كتبقاو دوقو الى شفتوه 

مبقاش مر راه واجد

من بعد هاد المرحلة تناخدوه نضيفلو فلفلات حارين يا اما كارمين او طريين ناخدو 2 حامضات نقطعوهم على ربعة ونضيف اوراق سيدنا موسى وزعتر سواء طري او ناشف ونضيف كمية الملح تقريبا كاس كبير حيت انا هنا عندي كمية كبيرة ونبقا لمدة 5 ايام وانا تنغير غير الما ونرجع نضيف الملح صافي غتلقلوه واجد الى شفتوه باقي مر زيدولو 3 ايام ونتوما تتغيرولو فالماء وضيفو الملح وهاوا زيتونكم واجد

بعد موجد زيتون ديالنا ومبقاش مر تنوجدو واحد شرمولة تنديرو فيها غير الكمية الي نستهلكوها ف 5 ايام او اقل باش ميفسدش .الشرمولة عبارة عن معدنوس مفروم ثوم مفروم شوي بزار كمون ملح زيت زيتون .حامض مصير مفروم تنخلط كلشي المقادير تتبقا حسب كمية الزيتون الي غنشرملوه قسمتها على 2 وحدة درتها هاكداك وثانية ضفتها الهريسة بالزايد بالنسبة الي يبغي الزيتون حار وبالصحة والراحة من احسن ميطولش فشرمولة باش تاكلوه طري. وهاكدا فاش يسالي تجبدو كمية اخرى من زيتون وتشرملوه بنفس الطريقة