الطريقة الصحيحة لتنظيف البشرة العميق بالزيت - تنظيف الوجه بالزيوت

تجربتي مع تنظيف البشرة بالزيت ال oil cleansing method 
دي طريقه مش معروفه اوي هنا في الشرق الاوسط وغريبه شويه لكن نتائجها تحفه ! 

فوائد تنظيف البشرة بالزيت:
-بتقضي على الحبوب !
-بتقضي على الرؤوس السودا !
-تعطي نضاره للوجه !
-مفتحه للون البشره ! "مع الاستعمال"
-واهم فائده انها بتمنع علامات الشيخوخه والخطوط الرفيعه !

طريقة وتفاصيل استخدام طريقة تنظيف البشرة بالزيت:
ملهاش نوع بشره معين مناسبه حتى للدهنيه.
هي عباره عن انك تبدلي الغسول الي بتستعمليه بالزيت !
اقرئي أيضآ:
روتين وماسك يومى مجرب وفعال لتفتيح بشرة الوجه فى أسبوع
 انك تجيبي زيت خروع ده اساسي واي نوع زيت تاني تحبيه "جوجوبا ، لوز ، زيتون ،بذور عنب "
وكل ما تكون بشرتك دهنيه تزودي الخروع اكتر عن نوع الزيت التاني انا مثلا مختلطه بحط 1/2 خروع و1/2 زيت زيتون في ازازه كده وبتبقي الغسول بتاعي ..
لان الخروع يمتاز انه قابض للمسام ويزيل الزيوت اكتر !
الطريقه :
3 ماسكات لتنظيف وترطيب وتنشيط خلايا البشرة المجهدة

سواء حاطه ميك اب او ﻷ انتى بتاخدي كميه من الميكس بتاعك وتدعكي وشك بيه لمده دقيقتين ولا حاجه واهو بتوفري تمن مزيل الميك اب وبعدين تجيبي فوطه نضيفه وتبليها مايه سخنه وتحطيها على وشك لحد ما الفوطه تبرد وتمسحي وشك بيها كويس وبعدها كملي روتينك عادي حطى تونر وسيرم وكريم او ايا كان بتحطي ايه فيه ناس بتحط زيت تاني على وشها وتكمل باقي يومها كانه مرطب مثلا  وهكذا كل يوم ..
الحقيقه انها بتنضف المسام اكتر من اي غسول .
لان احسن طريقه انك تشيلي الاوساخ والزيوت والتراب من على وشك هي بزيوت برضه بتنضف بعمق من غير ما تشيلي الزيوت الطبيعيه الي بشرتك بتفرزها ..
وانا عارفه ان فيه بنات هتخاف وتقول انا وشي كله حبوب هحط زيت هيزودها اكتر ده غلط ! لان الطريقه دي كانت الطريقه الوحيده لناس كتير وشهم كان مشوه من كتر الحبوب والزيوت هي الي عالجتها ! 
البشره لما بتنشف اوي بتضطر تفرز دهون عشان ترطب نفسها بالتالي بتطلع حبوب على عكس البشره لما بتشبع ترطيب مبتحتاجش تفرز دهون زياده لانها اصلا مترطبه فبتتوازن كده هي دي الفكره!

اقرئي  : 
النضاره المكتسبه من الطريقه دي افضل من اي ماسك او غسول او اي منتج غالي بندفع فيه دم قلبنا ! 
طريقه موفره وطبيعيه مفيهاش اي كيماويات او حاجه تضر على المدى البعيد بالعكس على المدى البعيد بتمنع التجاعيد !
- زيت الخروع مبيزودش الشعر انتى بتحطيه وبتمسحيه في ساعتها .. 
#عن_تجربه ❤