القناع الصيني الأسود لإزالة الرؤوس السوداء و بشرة كالأطفال

بسم الله الرحمان الرحيم

القناع الصيني الأسود لإزالة الرؤوس السوداء و بشرة كالأطفال

السلام عليكم البنات جبت ليكم وصفة اخر صيحات التجميل وهي ماسك الكاربون ولي كتستعملو جميع شركات التجميل العالمية والكبرى 

بلحق انا كالمعتاد جبت ليكم الوصفة الطبيعية ديالي وقبل غنتكلم ليكم لاش كيصلاح ماسك الكاربون او الفحم.والحاجة الوحيدة المهمة هي ان هاذ الماسك خاصو يتعمل مورا البخار والوجه منشف بالفوطة ميكونش فازگ وميتعملش نهار لي تمشي فيه الحمام او تكوني عاد عملتي تقشير حتى الغد عاد تقدري تعمليه.

.مزيل النقط.كيصلاح الحب الشباب كيسد المسام الواسعة .كيصلاح الجميع انواااع البشرة الدهنية والحساسة حتى هي والجافة والعادية والمختلطة:-) كيصلاح التجاعيد.كيبيض.كيشد ترهلات الوجه والجسم.كيقاد عيوب البشرة.كيحميها من الحبوب.كيزول التجاعيد المبكرة.منضف بعمق للبشرة. الفحم لي غتحتاجي الفحم العادي دقيه اولا طحنيه مزيان وغربليه فليبة او غربال رقيييق اولا شري كابسولات الفحم من الفارماسيان.

طريقة استعمال

دائماالوجه مغسول بصابون وتعملي البخار عشرة دقائق ونشفيه بفوطة عاد تعملي الماسك.

ماسك الفحم لازالة النقط السوداء وتنضيف الوجه.ملعقة كبيرة فحم ملعقة سانوج مطحون ومغربل فليبا او غربال رقيييق ملعقة كبيرة جيلاتين غبرة (بدون اي مذاق كتباع بروفارماسيان) ملعقتين حليب مخلطين مع ملعقة ماء ورد ومسخنين غير دافيين كتخلطيهم مع الجيلاتين فزلافة دالزجاج وخلطي بملعقة خشب مزيان وزيدي الفحم وخلطي مزياااان مزياان وطلي الوجهك متقربيش الشعر دراسك والحجبانك ردي بالك بقاي مضحكيش ومتهديش عشرين دقيقة وقلعي الماسك من التحت الفوق وشوفي اش غيخرج غسلي وجهك بالماء دافي ومسحي بماء زهر وبقاي نصف ساعة ودهني وجهك بزيت اللوز استعملي هاذ الماسك مرة فالاسبوع.من المرة الاولى غتشوفي رطوبية ونضافة فوجهك

للترطيب وجميع المشاكل البشرة خلطي ملعقة الفحم مع ملعقة السانوج مطحون ومغربل مزيااان ملعقة غاسول البركاني يكون لونو اصفر مشي الغاسول العادي وملعقتين ماء زهر وملعقة زيت السانوج.خليه عشرين دقيقة وغسليه بماء دافي ومسحي بماء زهر او ماء ورد وبقاي شوية ودهني بزيت اللوز مرة فالاسبوع .

نصيجة دائما جربو الماسك تحت يديكوم يكون مغسزل ودهنو شوية الماسك وخليه ساعتين الا معمل ليك والو عاد طبقيه الوجهك او جسمك.ميعكلوهش النساء الحوامل او لي كيرضعو.

السانوج او الحبة السوداء دائما طحنها قبل الاستعمال مصلحاش تستعمل مطحونة قديمة.

الا شاط ليك الماسك تقدري تخليه فالثلاجة واستعمليه بعد يومين.