بسم الله الرحمان الرحيم
شعري رطب وها وصفتي السحرية ولي شعرها كيطيح فينما تديرها تدعي معايا
هادي هي طريقتي باش كنرطب شعري ونقويه ونطولو بلا منحتاج سيشوار .
كندير ليه المرجان قبل ما نمشي للحمام. راه كيرطبو مزيان. واقيلا كاينين لي ما عارفينش اشنو هوا المرجان. ياك.
المرجان ا الزوينات هو هاداك التخت اللي تايبقا ف القرعة ديال الزيت البلدية. يعني هاديك المادة الكحلة لي كاتبقا مترسبة ف القرعة أو البيدو.
عنداكو تبداو تلوحوها راه الناس كيقلبو عليها بالريق الناشف. بداو تجمعوها و تزيدو عليها قطيرا ديال الزيت البلدية .
و مللي تبغيو تمشيو للحمام دهنوها( أنا كانديرها تقريبا 4 ساعات قبل) و زيتو شعركم مزيان و ما تنساوش les pointes.
ايوا و ضربوها بشي تحميمة فاعلة تاركة. راه تيقوي الشعر بالنسبة لي تايطيح ليها شعرها. ايوا شي دعيوات الله يعطيكم ما تمنيتو.
0 تعليقات