بعد عدة محاولات لعلاج الكلف….اخيييرا النتيجة رااائعة و السر في هذه الوصفة الطبيعية

بسم الله الرحمان الرحيم

بعد عدة محاولات لعلاج الكلف….اخيييرا النتيجة رااائعة و السر في هذه الوصفة الطبيعية

المكونات

بالنسبة للكلف غنعطيك وصفتي الشخصية عن تجربة حيت كان عندي هاد المشكل ملي كنت حاملة ببنتي الصغيرة واستمر معاية بعد الولادة حتى درت هاد الوصفتين :

الوصفة الاولى نقصات من حدة الكلف وهي كمية متساوية من الفول والحمص والحلبة والارز مطحونين كناخد منهم 1 م ك + عكر فاسي حر + 1 م ك نيدو + ماء الورد وكنت نديرها لوجهي حتى تجف ونبلل وجهي بالماء حتى يرطاب عاد نغسلو ونشفو وبالليل ندهنو بزيت جنين القمح هاد الوصفة غزالة بزاف ولكن كتبغي الصبر والمداومة وحيت الطبيبة لكتولدني علاقتي بها قوية نصحاتني بالعلاج السحري وهو لعاب الحلزون جبت كمية من الحلزون وربيتو في محيبقاتي ههههه ويوميا كنخلي 2 او 3 يزحفو على زجاجة نقية وناخد اللعاب ونمسح به مكان الكلف هدا يوميا و2 مرات في الاسبوع ندير الوصفة الاولى والحمد لله النتيجة جد رائعة.

وانا حيت كنخاف نجرب اي حاجة بحثت على لعاب الحلزون قبل ما نستعملو ولقيت بان هاد العلاج اول ما ظهر ظهر عند الاسيويين واستعملو اللعاب كعلاج دون اضافات وانتشر لباقي دول اوربا وامريكا في شكل كريمات ……

نتمنى نكون افدتك .

شوفي اختي الى تعدرات عليك وصفة لعاب الحلزون كنصحك تعملي الوصفة1 لفيها الحلبة….يوم نعم ويوم لا وفي الليل يوميا دهني وجهك بزيت جنين القمح خديه من الصيدلية وردي عليا لخبار حيت مؤخرا عطيت هاد الوصفة لواحد الاخت وخلصاتها من الكلف والنمش والبقع ومرة في الاسبوع عملي حمام بخار باوراق البابونج واليوم لي مغتعمليش فيه قناع الحلبة مسحي وجهك بمنقوع البابونج غير في الاسبوعين الاولين وحبسي البابونج وكملي على ماسك الحلبة وزيت جنين القمح حتى تبان النتيجة .