مكونات و طريقة تحضير جبن تحضير منزلي بدانون
المقادير:
1لتر حليب
1لتر لبن
2دانون طبيعي
3معالق كبار خل
فتيتة ملح
كندير الحليب ف كاسرونة واسعة يسخن ش 3دقائق كنزيد اللبن و دانون و الخل و الملح
كنحرك الخليط بملعقة حيت دانون كيهبط التحت النار تكون متوسطة
خليه فوق العافية حتى كيتجبن كتشوفي الماء كيتعزل ضفي عليه و كنزيد ملعقة صغيرة خل خليه يبرد من ترجعي ليه غادي تلقاى جبن تجمع الوسط و الماء ف الجناب
خدي شبكة رقيقة و ديري فوقها توب رقيق و تبقي تاخدي الماء من الجناب غير بشوية و تبقاي تصفى
خليه يقطر ليلة كاملة باش يوجد ليك بسرعة حطي فوقو ش حاجة تقيلة و تبقاي تقلبيه مرة مرة ماتجي العشية حتى تلقاي الجبن واجد
كانخد مول سليكون و نعمر القوالب و نغطيهم كنجبد الكمية اللي نحتاج
كنسمو بالزعتر و زيت الزيتون .
التدوينة مكونات و طريقة تحضير جبن تحضير منزلي بدانون ظهرت أولاً على موقع لالة سناء.
0 تعليقات