قنبلة الموسم كيك بالفلان و القشدة الطرية ولي داقها أكيد يطلب المكونات
الطبقة الاولى :
الجنواز : 2 بيضات + 6 معالق كبار السنيدة + 6معالق كبار الزيت + 6 معالق كبار الحليب + 6 معالق كبار الدقيق + 1 ساشي لقاني + 1 خمارة + 2معالق كبار الكاكاو
الطريقة نخلط الكل و نعملوها في مول لي كيتحل أو ديال الزجاج يكون مدهون بالزبدة و مرشوش بالدقيق و ندخلوها للفرن و مني تطيب نسقيوها بنصف كاس الماء سخون مدوبين فيه معلقة كبيرة نسكافي و شوية السكر
الطبقة التانية :
نوجدو لكريما : ناخد نصف لتر الحليب و نضيف معه 2 ساشي الفلان كراميل و 3 معالق السنيدة ونعملوه فوق النار يغلا نطفيو عليه، وناخد الخلاط الكهربائي نعملو فيه 17 قطعة البسكوي و الخليط الفلان مني يبرد و نزيدو عليه معلقة كبيرة النسكافي و معلقة كبيرة كاكاو وعلبة من وزن 200 غ من القشدو الطرية و نطحن الكل جيدا و نصبه مباشرة فوق الكيك و ندخلوها التلاجة تبرد مزيان
الطبقة التالتة :
ناخدو الشكلاط ندوبوه في بان ماري و نضيفو عليه دانون مسوس و شوية الزيت ونصبوه فوق الكيك و التزين على حساب الذوق أنا زينت بالنجيمات.
التدوينة قنبلة الموسم كيك بالفلان و القشدة الطرية ولي داقها أكيد يطلب المكونات ظهرت أولاً على موقع لالة سناء.
0 تعليقات