مكونات و طريقة تحضير بانوفي طارط بالخطوات المصورة
وصفة الاخت فاتي
المقادير:
العجين المكسر: 250غ دقيق ابيض،100غ سكر صقيل،125غ زبدة، 2 اصفر بيض
الحشو:
كراميل او توفي، موز، قشدة طرية مطربة، كركاع مهرمش، كراميل سائل للتزيين،
الطريقة:
نخلطو الدقيق والسكر والزبدة بالاصابع حتى يوليو مرملين من بعد نضيفو اصفر البيض ونخلطو مزيان الى متجمعاتش نضيفو قطرات من الحليب بارد ونجمعوها ودخلوها التلاجة نصف ساعة تقريبا، من بعد نسرحوها بين جوج بلاستيكات ونديروها فالمول المخصص للطورطات مدهون بالزبدة والدقيق ونتكوها بالفرشيط مزيان وندخلوها للفرن مسخن من قبل حتى طيب.
ملي تبرد مزيآن نطربو القشدة الطرية،
اول حاجة ندهنو الطورطة بالتوفي مزيان ونستفو الموز مقطع ونديرو كركاع مهرمش او لوز او كاوكاو محمر لي متوفر عندكم ونديرو فوقها الكريمة وفالاخير نزينو بخطوط من الكاراميل والكركاع مهرمش وندخلوها التلاجة حتى تبرد مزيان ونقدموها بالصحة والراحة .
0 تعليقات