إلى كنت ولفتي الكحولية في أي منطقة فجسمك ودعيها اليوم بهاد الوصفة

إلى كنت ولفتي الكحولية في أي منطقة ف جسمك ودعيها اليوم بهاد الوصفة

ها أنا جيت و جبت الجديد إلى كنت كاتعاني من السواد سواء في المنطقة الحساسة أو الإبط أو الركبة أو المرافق أو أي منطقة آخرى أنا مازال ماعرفاهاش ههههه عليك بهاد الوصفة ساهلة ماهلة و النتيجة ديالها مضمونة على حسابي أنا جربتها و عطاتني نتيجة كاتحمق..بلاما نطول عليكم ندخل للمعقول نيشان و نعطيكم

 مكونات الوصفة

*فازلين (علبة)

*جليسيرين

*زيت اللوز (3معالق)

*زيت الخروع (2معالق)

بالنسبة للجلسرين أنا خديت قريعة صغيرة من الصيدلية ب20 درهم و استعملت النصف ديالها..نخلط جميع هاد المكونات حتى عطينا خليط متجانس و نعملو فشي قريعة د الزاج.. وكل ليلة قبل ما ننعس مغسل المنطقة المستهدفة ههه بالماء و الصابون و من الأحسن تستعملي دوف أولا ديتول و تنشفي مزيان و الدهني الخلطة ديالنا و نعسي لي مع راسك و الصباح غسلي و بقاي مداومة يوميا حتى تبان ليك النتيجة للي ترضيك.. و باش الوصفة تكون عندها نتيجة مزيانة انصحك بالابتعاد كل البعد عن الحلاقة بالموس..و كدلك بتجفيف المنطقة جيدا خاصة المنطقة الحساسة.. وبالنسبة للركبة و المرافق عليك بالدهين فوق ما الدوري دهني بالكريم دالك ويلا ما عندك كريم دهني ب زيت أرڭان اولا زيت الزيتون اولا شوية د الزبدة الموهييم دهنييييييي.. و الحصول الله يهنيكم نتمنى نكون فدتكم و ماتنساونيش من الدعاء .