السلام عليكم ورحمة الله
أخواتي اليوم بغيت نكتب على تجربتي مع خل التفاح اللي بالفعل جد رآآآئع لرائحة العرق.
الحكاية كالتالي : مؤخرا ما بقيتش تناكل الشهية ما بقاتش عندي، فقررت نبدا نشرب شوية ديال الحلبة ….المشكلة اللي في الحلبة هي الرائحة الكريهة وعاد هي تتخلي الجسم يعرق أكثر. المهم، دخلت النيت وقلبت على شيحاجة مضادة ههه لرائحة الحلبة….لقيت خل التفاح . كل صباح تنمسح به تحت الابط …وما شاء الله النهار كامل نعمل الشغل ولا نخرج متتكونش فيا نهائيا رائحة العرق ولا ريحة الحلبة.
أخواتي جربوا تمسحوا الابط ديالكم كل صباح بخل التفاح…..خدوا قطعة ديال القطن فزكوها بالخل ومسحوا …..الى كنتي غادة تخرجي عملي هاد الطريقة قبل ما تخرجي ب 15 دقائق حيت ممكن تزعجك رائحة الخل ….حيت تتكون رائحته مجهدة غي الأول لكن تتبرد واحد الشوية. المهم أنه طبيعي ، تيقضي على رائحة العرق وتيبيض الابط
لا تنسونا من دعائكم الا جربتوا الوصفة وعجبتكم
في أمان الله .
0 تعليقات