احسن كوماج استعملتو ف حياتي و صالح لجميع انواع البشرات يصفي الوجه و يبيضو
السلام عليكم و رحمة الله تعالى و بركاته
الموضوع و ما فيه
انني بديت كنستعمل واحد الكوماج و نتائجو كانت رآآآآآآآئعة للغاية
كينقي الوجه مزيان كيرطبو بلا ميدهنو و مع الوقت كيصفي الوجه و يبيضو
المهم ندخلو ف المقادير ولات حلوة مبقاش كوماج
دانون مسوس معلقة
رز مطحون معلقة
و خلطيهوم مزيان و ديريهوم ف وجهك بعد ما تغسليه بالصابون و الما و تنشفيه و خليه على وجهك شي 5 دقائق تقريبا
و من بعد بقاي تفركيه مزيان ف وجهك و غسليه بالماء فقط
و الى بغيتي استعملي من بعدو شي ماسك طبيعي
انا كنستعملو ف الغالب غير بوحدو و النتائج جد جد جد مرضية و الروز معروف كينقي الوجه و يبيضو
المهم جربوه و انا متاكدة مغاديش تندمو
و متنساونيش بشي دعيوة ديال الخير ربي ينولني لي ف بالي و يسهل على جميع بنات المسلمين .
0 تعليقات