معروضة للعرس و وجهك مافيه مايتشاف…. دخلي عندي ليك الحل

السلام عليكم.
كيدارين لاباس عليكم. اليوم جبت ليكم واحد الوصفة أكثر من رائعة. عطاتها ليا واحد البنت صحراوية الله يجازيها بخير وليت فين ما نكون معروضة لشي عرس اولا شي مناسبة كنديرها قبل منلبس قفطاني حيت كتعطي النتيجة في ساع. المهم بلا مانطول عليكم

المكونات هي:
1 لفتة صغيرة مفورة أو مسلوقة غير إلا سلقتيها حاولي تصفيها مزيان
معلقة صغيرة نيدو
معلقة صغيرة ماء ديكاباج 6%
معلقة صغيرة معجون الأسنان

إوا وجمعيهم بماء الورد و جربيهم على منطقة صغيرة من وجهك لايديرو ليك الحساسية متجربيهومش على يدك حيت البشرة ديال الوجه كتختالف على باقي أنحاء الجسم. إلا مداروش ليك الحكة يعني ماخافيش منهم صافي ديريهم على وجهك وحاولي ماتقربيهومش للعينين حيت المعجون فيه فليو غايدير ليك الدموع. خليه بين 10 حتال 15 دقيقة وغسليه بماء بارد وشوفي البيوضية و النعومة ديال بصاح و إلا شاط ليك شوية تقدري ديريه ليديك ورجليك أو عنقك المهم تحت شعار حتى شي مايضيع ههههه

غتقولو راني غير كنخرف بهاد المكونات العجيبة هههههه ولكن والله الا النتيجة كاتحمق و مضمونة 100%
يالاه اللي جرباتها تدعي معايا .