شعري بعد ماكان عقدني في حياتي رجع فرحني و الحمد لله بهاد الوصفة

السلام عليكم ورحمة الله تعالى وبركاته
انا من ناس لي معكازة بزااااااف على شعري ههههههههه و لكن قفرتها عليه تساقط مخلا لي فيه والوااااا و انا نوض شمر على ايدي و صوبت هاد 3 خلطات و لاحظت تحسن كبييير و الحمد لله
1 خلطة لتساقط شعر 2 لترطيبه 3خلطة روايح لاعطائه ريحة زوينة
وصفة 1 لتساقط شعر
ثوم + زيت زيتون
3 روايح : ورد زعتر سنبل ريحان خزامة قرنفل زاز
2 زيت زيتون زنجلان بابونج خزامى زعتر
4 شامبوا + ديميلور
طريقة استعمال
كنوجد خلطات كلهم ديرهم في قراعي
1 دير ثوم بقشوره مع زيت حتى يغلى مزيان و ملي يبرد ديروا في قرعة بثومه
2 نطحن اعشاب و دير معه زيت حتي يغلى و ديروا في قرعة بدون تصفيته
3 نطحن اعشاب و ديرهم في حك
صافي خدمة ديال معكزات
ملي تكوني غدا حمام دهني شعرك بزيت ثوم مخلط ب زيت خلطة 2 مع رج قرعة باش يتخلط زيت

مع اعشاب
شقي بيه شعرك مزيانن مع حركات دائرية
ديري شوية روايح في حك كيف دخلي حمام خوي عليهم ماء طايب باش طلقوا
خلي شعرك مغطي بزيف و حكي على راحتك ملي قربي سالي حكان دهني روايح باش حيد ريحة ثوم
و غطيه و كملي حكان
و ملي سالي غسلي شعرك حتي تصفيه من اعشاب عاد ديري شمبوان
و الله كتلاحظي تغير كبييير
انا في ليل كنرشوا بانبولة الصبار كيبقي شعري زوين
اتمنى ان تستفيدوا منها و لا تحرموني من دعواتكم لامي غالية بالشفاء
اي استفسار اهلا و مرحبا