رجييلات بيضين وكديمات حمرين غتبقاي حالة فمك فيهم دخلي دغيا
السلام وعليكم ورحمة الله وبركاته
بديت واحد النظام زعما بغيت نديها فراسي شوي على الله يجي مولاي السلطان ويلقاني زوينة هههههه المهم اختكم بدات من الرجلين هههه درت فيها صاحب داك المثال”اشنو خاصك العريان خاتم أمولاي” هههه بديت بالرجيلات هما الاولين وعاد نبدا نطلع الفوق شوي بشوي المهم بلا ما نطول عليكم هاد الوصفة جربتها على رجيلاتي كانت حالتهم حالة الكدام كاني متشققين تقولي هادي خداما مع بناي وكحلين وفيهم ليتراس ديال السباط
وصفة سآآآآآآاهلة مآآآآآآآهلة ومتوفرة عند الجميع
كتغسلي رجيلاتك مزيان بالماء والصابون ونشفيهم من الماء ودهنيهم بزيت زريعة الكتان حتا دهنيهم مزيآان وركزي على البلايص الكحلة والمتشققة وعاد ديري عليهم فازلين من الاحسن يكون فازلين ديال الفرماسيان كيدير غير شئ 15درهم ملي دهنوهم مزيآن لبسو التقاشر هدا طبعا من بعدما توضاو .وعرفتووو الرجيلات كيشعلوووووووووووووووووو بالبيآاض والكديمات تيكونو حمريين هاد الوصفة زوينة للي متزوجات تبقى تفوح على راجلها برجيلاتها يبقى غير حال فمو ههههه اما أنا كنبقى نشوف فيهم غير بوحدي هههههه كتبقى ماما ضحك عليا
نتمنى تجربووها وتردو عليا مافيها صعوبة ساهلة ماهلة
ونتمنى اللي قرأت موضوعي تدعي معآيا بالزوج الصالح ويتمم لي الله اللي فخاطري .
0 تعليقات