وصفة كتهنيك من الرائحة الكريهة فالمنطقة الحساسة و كثرة الافرازت

وصفة اخرى مع ام مراد كتهنيك من الرائحة الكريهة فالمنطقة الحساسة و كثرة الافرازت

واحد السلالالالالالالالالام وعليييكم ورحمة الله تعالى وبركاته

ايوا اشخبآآآركوم اشكتعآودو نتمنى تكونو كآع بخيييييييير

المووووهم اليوم جيت و جبت ليكوم معايا ديك الوصفة الي واعدتكوم بيها الي غتهنيييييييكم من الافرازات و من الرائحة الكريهة ومن الحساسية

راه كاينة الي كدعقها مزيكة وخا تعيا متغسل و كتيبب ليها احرآج مع الزوج ديالها

و كنصحكووم اخواتاتي ديما اعتنيو بديك المنطقة راه الراجل كيعيف مرتو الى مشافهاش نظيفة

المهم طوولت عليكوم و سمحو ليا على الجراة ديالي شوية راه غير للفائدة وصافي

كنجيبو قرعة ديال ماء معدني سيدي علي او سيدي حرازم الي متوفر ديال 1/2 لتر

وقرعة ديال ماء الورد صغيرة ديال قلعة مكونة

و مكعب كبير ديال المسك الابيض من الاحسن خدو هداك الي في العلبة كيكون معقم شوية

المهم كنخلطو الماء المعدني مع ماء الورد فقرعة تكون كنتسد

و نفرتو فيها داك المسك

و نسدوها

نبقاو مرا مرا نحركوها وصافي

منين تفوت منك الدورة الدموية

كنجيبو فوطة ديال القطن هديك الي دايرة بحال اولويز

و نحط فوقها قطن دائري معقم في وسط الفوطة

و نكب شوية من داك الماء الي وجدنا و نخشي فيه الفوطة و نمسح بيها مزيان من الفوق حتى التحت و اللور حاكوم و الي مزوجة تقدر دخل القطن شوية

راه المسك موصي عليه الرسول عليه الصلاة والسلام لتطهير المنطقة الحساسة

قلبو على القصة ديال ديك المراة الي جات سولاتو و غتشوفو

يعني معندك مناش تخافي

وهاد الطريقة كديريها 3 ايام مورا الدورة

وتقدري ديري كل ما حسيتي بالريحة بدات كتمشي

وراه كتهنيك من الرائحة الكريهة و حتى الافرازات الى نزلات كتنزل بريحة زوينة و حتى فاش كيكون الزوج ديال مجامعك كتعطي ريحة زويينة ديال المسك اثناء المضاجعة

واهم حاجة كتبقى الريحة زويييينة فالكلوت ديالك مدة طويلة

ونصيحة اخرة ديما فاش توضاي مسحي مزيان بشي فوطة متخليش ديك البلاصة ساردة خصصي فوطة غير لديك المنطقة تبقاي تغيريها كل يومين

وحاجة اخرى الفوطة الي قلت ليكوم كنستعملوها فداك الماء منعاودوش نستعملوها مرة اخرى او نعاودو نخشيوها فالاناء باش ميتلوتش داك الماء بدي البكتيريا الي غتلصق فالفوطة

واهم حاجة سامحوني بزاف على الجراة ديالي و لكن لا حياء فالدين و حنا هنا غير وليات مع بعضيالتنا كاين مسكينة الي مكتقدرش تهر فهادشي مع الام دياللها او بطريقة مباشرة و كتبقا بلا حل للمشاكل ديالها

هنا حنا باش نعاونو اي اخت و نكسرو حاجز الخجل الي كيخلينا مسترين على بزاف ديال العيوب

وشكرا اي استفسار انا موجودة .