بسم الله الرحمان الرحيم
لي شعرها خاوي هاكي خلطة تضاعف شعرك من مرتين الـ 4 مرات..مضمونة وااااااجربوووووووها وردو عليا لخبار
المقادير: الورد مطحون السنبل مطحون الخزامة الزرقاء مطحون العرعار مطحون حبة الراس مطحونة شوية القرنفل مطحون(لانه حار ) فاسوخ اسود زيت زيتون الطريقة: تاخدي ربع كاس زيت زيتون وتديري فيه شوية ديال الفاسوخ قد حبة حمص او فول وتوضعيها فوق نار وحركي حتى يدوب تم حيديها من فوق النار وتاخدي اربعة معالق كبار من خليط الاعشاب المطحونة وتضيفيهم مع الزيت وشققي بيهم الشعر ديالك مزياااااااان وخدي المشط وبقاي تمشطي شعرك مزيان حتى تولي القشرة في المشط ديال باش تنشط الفروة والدورة الدموية واخة يطيح الشعر ما تخافي راه الشعر المريض هاداك يعني الحديد الراشية تطيح ههههههههههههههههه يبقا غير الصح والمتانة
وبقاي بهد الخلطة اقل شي نصف نهار او ممكن تعمليها بالليل وفي الصباح غسليه عادي هد الخلطة تعمل كل اسبوع
وان شاء الله غادي تفكريني ونتفكر حتى انا هد الاستادة اللي عطاتها لي بالدعاء الصالح:d مشكلتنا اانا نستعجل بالنتائج كيقرقشو لينا العينين ايلا شفناشي عنوان”خلطة تطول الشعر في اسبوع 15سنتمتر “ راه الشعر كيبغي وقت باش يطوال طبيعي لو كان العكس لكان شعري انا واصل لطنجة بالطول ههههههههههههه
يلا جربو وبلا عجز
0 تعليقات