طريقة تحضير تشيز كيك لذيذ وساهل

مكونات و طريقة تحضير تشيز كيك لذيذ وساهل

تمنا تكونو بخير اليوم جبت ليكم واحد الوصفة لذيذة و الأهم انها سهلة وكتصدق بلا ما نطول عليكم نخليكم مع المقادير وطريقة التحضير

المقادير بيسكوي اي نوع بغيتو والكمية علا حسب عدد الاشخاص انا درت المول فيه 25 سنتيم يعني خدا لي 12 حبة زدت عليه جوج معالق ديال الزبدة ذايبة درتو في المول من بعد درتو في الثلاجة علا ما نوجد الطبقة ديال الفروماج

الطبقة تانية غادي نحتاجو

3بيضات

300غرام من الجبن الابيض

100غ من السكر

200غرام من القشدة الطرية

جوج معالق ديال الطحين

انخلطو الكل ونضيفوه علا البيسكوي وندخلوه لي الفرن مسخن علا درجة حرارة 160 لمدة 40 دقيقة يعني حتا يعقاد

ملي اطيب نخليوه يبرد شوية ونضيفو ليه الطبقة الثالثة لي فيها

نصف لتر حليب

فلون الشكلاطة انا ستعملت واحد فيه السكر ضفت ليه واحد ديال الشينوا

في الأخير كيجي علا هاد الشكل نخليوه يبرد مزيان عاد نقدموه

نتمنا تجربوه و تردو عليا دمتم في رعاية الله وحفضه .