طريقة تحضير حلى الطبقات لأرقى المناسبات

مكونات و طريقة تحضير حلوى الطبقات لأرقى المناسبات

مقادير الكيك:

 بيضة . 7 معالق كبار سنيدة . 7 م زيت . و7 م حليب . صاشي كاكاو . و1 خمارة و 7 معالق دقيق . نخلط الكل ونفرغ فمول لكتحل مدهون وندخل للفرن . مني طيب نسقيوه مباشرة بالسيرو : نصف كاس ماء . معلقة نسكافي ومعلقة سنيدة نطبخهم فوق النار ونسقي بيها الكيك من بعد ندير فوقها 

الطبقة الثانية :

 صاشي كريم باتسيير بنكهة النوازيت . ممكن نعوضوه بكريم باتسيير غبرة 3 معالق كبار . 3 معالق سنيدة . نصف لتر حليب . فلان عادي ديال 1 درهم نخلط الكل حتا يعقاد ونفرغو على الكيك من بعد ندخلها للثلاجة تبرد ونستف فوقها اوريو كيف الصورة 

الطبقة اللماعة الاخيرة :

 صاشي فلان كريم كراميل كلها . كاس عنبة ماء طايب . معلقة صغيرة نسكافي نوضعو الكل فكاصرونة فوق النار حتى يغلى ونخويها فوق الكريمة بالمعلقة باش مطقبش الكريمة ثم نحطها فالثلاجة حتا تبرد تقدم باردة وبالصحة والراحة .